Wednesday, November 03, 2004

TI NAGSURAT

Agdama a kameng ti armado a buyot iti Estados Unidos (Army).
Bayat ti kaaddana iti las-ud ti militar, adun a lugar ti nakaidestinuanna - saan laeng nga iti Kontinente ti North Amerika no di pay ket iti Kontinentes iti Europa, Asia, South Amerika ken ti Africa agraman ti pannakaibaonna iti Gulf War idi 1991 a pannakawayawaya ti pagilian ti Kuwait ken iti pannaakaikappengna manen kadagiti Special Forces a nag-clandestine operations iti siudad ti Mosul, Kirkuk ken Tikrit iti Iraq idi tiempo ti Desert Storm ken Operation Iraqi Freedom 1, tawen 2003 a pannakaraut ti pagilian ti Iraq a pannakapadisi ti diktador a gobierno daydi Presidente Saddam Hussein. Nagsubli manen idiay Baghdad, Iraq idi Hunio, 2004 ket nagbayag sadiay iti uppat a bulan sa nagawid iti Texas a nagpaagasanna iti kanigid a gurongna kalpasan a naambushda.
Adu metten a medalia ken pammadayaw (peace and wartime medals, ribbons and certificates) ti naipapaay kenkuana saan laeng a manipud iti militar no di pay ket kadagiti nadumaduma a gunglo sibiko iti Hawaii, Oklahoma, Colorado, Louisiana, Texas ken idiay Germany. Pito a bulanna iti Gulf War, kurang onse a bulan iti Iraq Desert Storm, OIF 1 ken OIF 2 ken dua a bulanna idiay Somalia ken tallo met idiay Haiti babaen iti Humanitarian Mission. Nakaipablaak metten kadagiti sumagmamano a daniw, sarita ken salaysay iti Bannawag. Nakagun-od iti Umuna a Gunggona ti saritana a, “Sangkapirit a Langit iti Dakulap dagiti Rinibu nga Impierno”, nga inesponsoran ti Upland Municipalities of Ilocos Sur of America (UMISA) 1997. Iti sumuno a tawen, napagasatan manen nga Umuna a Gungona ti nagun-od ti saritana a,
“Dagiti Ladawan iti Naray-ab a Kambas” nga inesponsoran ti Prinsesa Urduja Literary Awards. (PULA) 1998, GUMIL Pangasinan. Maysa kadagiti tallo a Maikapito a Gunggona ti saritana a “Ti Kimat, Ti Bantay ken ti Turod a Nagdas-alan ti Amin a Lunod” iti kadakkelan a Salip Ti Sarita nga inesponsoran ti Sirmata Magasin idi tawen 2001. Maikadua met a Gungona ti nagun-od ti lima a reppet a daniwna a napauluan iti, “Kuadrado a Rueda Ken Dadduma Pay a Daniw” nga inesponsoran met laeng ti PULA -1998, GUMIL Pangasinan. Idi arinunos ti tawen 1999, nagun-od ti dramana a, “Ti Kingki Ken Dagiti Neon Lights”iti Grand Prize nga inesponsoran ti Mario A. Albalos Literary Foundation, wenno (MAAF).Nakaipablaak metten iti abbaba a nobela iti Bannawag, ti “Sangarakem a Bituen (28 chapters)” ken ti “Operation: Octopus (31 chapters)”. Kasta met a naikkanen iti gundaway a nakaipablaak kadagiti saritana ken daniw kadagiti Ilokano “Internet” Magazine iti Cyberspace : ti Burnay ni Apo Roy V. Aragon,Tangguyob ti GUMIL Oahu ken ti agdindinnamag nga Iluko.Com a manmantiniren da nalatak a webmasters - Appo Bryanne Ucol ken Andel “Andy” Barroga. Agdama nga sponsor ti ATILA, 03-04, 04-05. Salip iti ababa a Sarita ken Daniw.
Nabileg ti arapaapna a makailibro kadagiti gapuananna iti panagsuratan iti asideg a masakbayan. Agdama nga estasion iti Ft Hood, Texas a kas Operations Sgt, Ranges & Schools NCOIC iti 5 BCT, ken bayat panagpapaagasna, agpapaay a kas Comptroller NCOIC, Headquarters, 1st Cavalry Division, Ft. Hood, Texas. Naggapu idiay Ft Sill, Oklahoma a kas “Operations Sergeant wenno NCOIC, iti 1st-40th FA” iti “Ft Sill’s USAFA Training Center” ken ti “Individual Entry Training” (IET) para kadagiti kasserrek a soldado wenno maawagan iti Advanced Individual Training (AIT) wenno One Station Unit Training (OSUT) para kadagiti IET soldiers, United States Army Field Artillery Training Center ken kameng iti New Equipment Training Team ti “GUNNERY Department” Fort Sill, Oklahoma, U.S.A.

0 Comments:

Post a Comment

<< Home